ഒട്ടകപ്പക്ഷി
മറവിയുടെ ചെറുനൂലിനപ്പുറം
മരണമെവിടെയോ വഴി നടക്കുന്നു.
എല്ലാമറിഞ്ഞുമറിയാത്ത പോല്
തലപൂഴ്ത്തുന്നു ഞാനുമൊരുമറവിയില്...
പൊള്ളുന്ന മണലാണ് ; വേവും
പാതി വഴിയില് കരിഞ്ഞ പുഴകളും...
മണലു തിന്നുന്ന കാറ്റും സമയവും
വഴിയിലെങ്ങോ വേരറ്റ നോക്കും.
ഉള്ളില് നനവൂറുമൊരു കള്ളിയെങ്കിലും
കാണും കരിഞ്ഞു പോയാലും.
കണ്ണൊന്നടയ്ക്കട്ടെ ഞാന് നിമിനേരമെങ്കിലും
നിന്റെ മണമുള്ള മണ്ണൊന്നറിയട്ടെ..!
No comments:
Post a Comment